ابوذيات حلوة تسوة واحد يقراها...

السلام عليكم



اشلونكم شباب وبنات اليوم جبتلكم مجموعة من الابوذيات وارجو ان تنال اعجابكم




سكر كاس الخمر من ضاك نفسك

اكوغيرك حلو بس ماكو نفسك

اريدك ياحبيبي اتبوس نفسك

بس بداخلك تنويهه اليا




صرت دم المشه بداخل وريدك...

ومثل متريد مشيني وريدك..

.فراكك حيل مرمرني وريدك...

على جروحي تدوس بلا خطيه...




اناالابيض الك كلبي وصافي....

وقليل من البشر تحمل اوصافي.....

يزعلون علي عمداً واصافي....

واظل وياك مهما يصير بي




كلبي يموت بس وياك يحيى

ويضل سهران طول الليل يحيا

صرتيلي لميس وصرت يحيى

طلعلي منين تيم وعم عليه




جرح البيه كافيني وزايد

واظل للموت احبكم وازايد

وبمزاد الحب اريد اكعد وازايد واكول حبك تره بس الي




عليك شلون شايل كلب مـــامل

وحبك لو جبل فوكاي مــــامل

امل الناس كلهاومنك ابد مــامل

لان حبك زرع مزروع بيــــه.......




مرلي بطريقك ياحلو وانت راجع..

نعيد ايام حبنه ونتراجع.

.شعجب احنه نتقدم وانت راجع.

.دراجع ضميرك بلكي يحن عليه






حبيبي احبك كلش هواية

وانت تكلي انساك شلون هاية

مو انة احبنك يا هواية

تبقى انت الحبيب وتبقى انت دواية






اكتبلي شما ردت تكتب واردلك

بساتين بوسط گلبي ورد . لك

اروح وابتعد وازعل واردلك

لآن الگلب بيدك مو بديـــه




دمع عيني اكتبتلك خاطر انه

والك ما يوم كاسر خاطر انه

غير انته تجيني خاطر انه

اجيلك معتني ازحوف اعله اديه







سابيني بجمـــاله اوطول شعره

انا اموت من اسمع ابيات شعره

انا بيني وبين المـــوت شعره

حبيبي اشوكت تلــــــحك عليه



اتمنه باقي العمر يكضي على ذراعك
والموت حق وصعب والأصعب وداعك
صدكني لو تبتعد راح اتبع شراعك
شاريك كلبي وابد ماريده لو باعك





يوم الي ماأشوفج بيه أتحطم وانهار
دمع عيني مله بحور وانهار
صرت ماأدري اني بليل لو نهار
اذاني العشك اثر عليه

تحياتي
العقرب الحزين

الابداع هي احدى صفاتك بارك الله فيك

اشكرك ملك هذا من ذوقك العالي
شكرا الك

حبك الكلب كبل العين يالروح
دصيح ابصوت عالي يروح
حبيبي مااحب غيره يالروح
شجاك اشبيك زعلت عليه

تحياتي العقرب الحزين
مهداة من ابو الياس الى ملك الجيل تيمو

الف شكر حبي